अवैध रुपमा सञ्चालनमा रहेका क्रसर उद्योग बन्द गराउन गृहमन्त्रालयको परिपत्र

काठमाडौं, २० पुस । अवैध रुपमा सञ्चालनमा रहेका क्रसर उद्योगहरु बन्द गराउने गृहमन्त्रालयले ७७ वटै जिल्ला प्रशासन कार्यालयलाई  परिपत्र गरेको छ ।

कानुन विपरित, दर्ता नगरी तथा नवीकरण नभएका, संचालन अनुमति नलिई सञ्चालनमा रहेका ढुंगा, गिट्टी, रोडा तथा बालुवा उत्खनन्, प्रशोधन कार्यमा संलग्न क्रसर उद्योगलाई तत्काल बन्द गर्न गृहले निर्देशन दिएको हो ।

प्रचलित कानुन विपरित ढुंगा, गिट्टी तथा बालुवा उत्खनन तथा दोहन कार्यलाई नियमन गर्न वातावरण संरक्षण ऐन २०७६ को पालना गर्न जिल्ला प्रशासन कार्यालयलाई निर्देशन दिइएको छ ।