प्रधानमन्त्री दाहाल र एमाले अध्यक्ष ओलीबीच भेटवार्ता

काठमाडौं, १९ पुस । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच भेटवार्ता भएको छ ।

आज मंगलबार प्रधानमन्त्रीको सरकारी निवास बालुवाटारमा भएको भेटमा दाहाल र ओलीबीच सरकारको नीति तथा कार्यक्रम निर्माणको विषयमा छलफल भएको छ ।

साथै, समसामयिक राजनीति र सरकारको प्रभावकारितालगायत विषयमा पनि छलफल भएको बताइएको छ ।