
कास्की, १३ पुस । गण्डकी प्रदेशसभाका ज्येष्ठ प्रदेश सदस्य मित्रलाल बस्यालले आज शपथ लिँदै छन् ।
पर्वत जिल्ला निर्वाचन क्षेत्र नं १ को (१) बाट निर्वाचित बस्याललाई प्रदेश प्रमुख पृथ्वीमान गुरुङले शपथ गराउने कार्यक्रम तय भएको छ ।
संविधान अनुसार प्रदेश प्रमुखले जेष्ठ सांसदलाई शपथ गराउने र जेष्ठ सदस्यले प्रदेश सदस्यहरुलाई शपथ गराउने व्यवस्था छ ।
यसैगरी प्रदेशसभाका ५९ प्रदेश सदस्यलाई बिहीबार प्रदेशसभा भवनमा शपथ गराउने कार्यक्रम रहेको छ ।
६० सदस्यीय गण्डकी प्रदेशसभामा नेपाली कांग्रेसका २७, नेकपा एमालेका २२, नेकपा माओवादी केन्द्रका ८, राप्रपाका २ र नेकपा एकीकृत समाजवादीका एक जना प्रदेश सदस्य रहेका छन् ।












प्रतिक्रिया