काठमाडौं, १० पुस । नेकपा एमालेका सचिव एवम् पूर्वमन्त्री योगेश भट्टराईले एमाले केन्द्रीय सचिवालय बैठकको मुल स्पिरिट अनुसार पार्टी अध्यक्ष ओलीले परिणाम निकालेको बताएका छन् ।
एमालेको पहल र समर्थनमा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री नियुक्त भएपछि भट्टराई यस्तो टिप्पणी गरेका हुन् ।
उनले आइतबार ट्विट गर्दै लेखेका छन्, ‘२०७९ पुस ७ गते बिहान भएको नेकपा एमाले केन्द्रीय सचिवालयको बैठकको मुल स्पिरिट यहि थियो, जसलाई अध्यक्ष कमरेड केपी ओलीले कुशलतापूर्वक नेतृत्व गर्नु भयो परिणाम आयो ।’
उनले चुनाव गराउने दलको बहुमत नआउनु र ठूलो दलले आवश्यक र प्रभावकारी पहलकदमी नलिनुले एमाले अगगाडि बढ्न परेको भन्दै उनले अगाडि लेखेका छन्, ‘चुनाव गराउनेको बहुमत नआउनु भनेको नयाँ विकल्पमा जाने जनादेश हो, संसदीय लोकतन्त्र भएका मुलुकमा यसलाई स्वाभाविक मान्नुपर्छ ।’
२०७९ पौष ७ गते बिहान भएको नेकपा एमाले केन्द्रिय सचिवालयको बैठकको मुल स्पिरिट यहि थियो जसलाई अध्यक्ष कमरेड केपी ओलीले कुसलता पूर्वक नेतृत्व गर्नु भयो परिणाम आयो
चुनाब गराउनेको बहुमत नआउनु भनेको नयाँ बिकल्पमा जाने जनादेश हो संसदीय लोकतन्त्र भएका मुलुकमा यसलाई स्वभाबिक मान्नु पर्छ— Yogesh Bhattarai (@yogesbhattarai) December 25, 2022
प्रतिक्रिया