नेपाल टी-ट्वान्टी लिग आजदेखि, पहिलो खेलमा काठमाडौं र पोखरा भिड्दै

काठमाडौं, ९ पुस । पहिलो संस्करणको नेपाल टी-ट्वान्टी क्रिकेट लिग प्रतियोगिता आज शनिबारबाट सुरु हुँदैछ ।

नेपाल क्रिकेट संघ (क्यान) को आयोजनामा हुन लागेको प्रतियोगिता अन्तर्गत आज शनिबार दुई खेल हुनेछ ।

क्यानका अुसार कीर्तिपुरस्थित त्रिवि क्रिकेट मैदानमा हुने उद्घाटन खेल काठमाडौं नाइट र पोखरा एभेन्जर्सबीच हुनेछ । खेल बिहान ९ः१५ बजेबाट सुरु हुनेछ ।

यसैगरी, आजै हुने दोस्रो खेलमा लुम्बिनी अल स्टार र फार वेस्ट युनाईटेडबीचको खेल दिउँसो १ः१५ बजेबाट सुरु हुनेछ ।

प्रतियोगितामा काठमाडौं नाइट, पोखरा एभेन्जर्स, फार वेस्टर्न युनाइटेड, जनकपुर रोयल्स, विराटनगर सुपर किंग्स र लुम्बिनी अल स्टार गरी ६ टोली रहेका छन् ।