१ मंसिर २०८३, मंगलबार

आजको मौसमः पहाडी भू-भागमा वर्षा र हिमपातको सम्भावना

112
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, ५ पुस । मौसम पूर्वानुमान महाशाखाका अनुसार हाल देशमा विहारमा रहेको न्यून चापीय प्रणालीको सामान्य प्रभाव रहेको छ ।

महाशाखाले हाल देशका पहाडी भू-भागमा आंशिक बदली रही बाँकी तराईका थोरै भू-भागमा हुसु/कुहिरो रहेको जनाएको छ ।

महाशाखाले आज देशको पहाडी भेगका केही क्षेत्रमा वर्षा र उच्च पहाडी क्षेत्रमा हिमपातको सम्भावना रहेको जनाएको छ ।

महाशाखाका अनुसार यस्तो छ आजको मौसमः

२०७९ पुस ५ गते  (मंगलबार)

दिउँसोː  प्रदेश १ मा आंशिक देखि सामान्य  बदली रही बाँकी प्रदेशहरूमा आंशिक बदली देखि मौसम सामान्यतया सफा रहनेछ।  प्रदेश १ को पहाडी भू-भागका एक-दुई स्थानमा हल्का वर्षाको सम्भावना रहेको छ । प्रदेश १,  बागमती प्रदेश र गण्डकी प्रदेशका उच्च पहाडी भू-भागको एक-दुई स्थानमा हल्का हिमपातको पनि सम्भावना रहेको छ ।

रातीː   प्रदेश १ मा आंशिक देखि सामान्य  बदली रही बाँकी प्रदेशहरूमा आंशिक बदली देखि मौसम सामान्यतया सफा रहनेछ ।  प्रदेश १ को  उच्च पहाडी तथा हिमाली भू-भागको एक-दुई स्थानमा हल्का हिमपातको पनि सम्भावना रहेको छ ।

आगामी  २४  घण्टाका लागि चेतावनी तथा परामर्श:

प्रदेश १ का पहाडी भू-भागको एक-दुई स्थानमा हल्का वर्षाको सम्भावना रहनुका साथै प्रदेश १, बागमती प्रदेश र गण्डकी प्रदेशका उच्च पहाडी तथा हिमाली भू-भागको एक-दुई स्थानमा हल्का हिमपातको पनि सम्भावना रहेको तथा तराईका केही  भू-भागमा बिहानीपख हुस्सु/कुहिरो लाग्ने  र देशका अधिकांश भू-भागमा तापक्रम क्रमिक रूपमा घट्दै जानेसम्भावना रहेको हुनाले आवश्यक सावधानी अपनाउनु हुन अनुरोध छ ।