विश्वकपको उपाधि चुम्दै मेस्सीले भनेः म, मेरो परिवार र हामीलाई विश्वास गर्ने सबैलाई धेरै धेरै धन्यवाद

काठमाडौं, ४ पुस । अर्जेन्टिनाका कप्तान लिओनल मेस्सीले आफु, आफ्नो परिवार र आफ्नो टिमलाई विश्वास गर्ने सबैलाई धन्यवाद व्यक्त गरेका छन् ।

गएराति कतारमा सम्पन्न फिफा विश्वकपको फाइनल खेलमा फ्रान्सलाई टाइब्रेकरमा पराजित गर्दै विश्वकपको उपाधि हात पारेपछि मेस्सीले आफुले देख्दै आएको सपना पुरा भएको बताए ।

३६ वर्षपछि अर्जेन्टिनालाई विश्वकपको उपाधि जिताएपछि सामाजिक सञ्जालमा लेख्दै मेस्सीले आफुले देख्दै आएको विश्वकप जित्ने सपना पुरा भएको उल्लेख गरेका छन् ।

‘मेरो परिवारलाई, मलाई समर्थन गर्ने सबैलाई र हामीलाई विश्वास गर्ने सबैलाई धेरै धेरै धन्यवाद । हामीले फेरि एकपटक देखाउँछौं कि अर्जेन्टिनाहरू जब हामी सँगै लड्छौं र एकजुट हुन्छौं हामी हामीले गर्न थालेका कुराहरू हासिल गर्न सक्षम छौं । मेस्सीले भनेका छन्, योग्यता यो समुहको हो, जो व्यक्तित्वभन्दा माथि छ, सबै अर्जेन्टिनाको सपना पनि त्यही सपनाको लागि लड्ने सबैको बल हो।।। हामीले त्यो गर्‍यौं !!!’

योसँगै अर्जेन्टिनाले तेस्रो पटक विश्वकपको उपाधि जितेको छ । अर्जेन्टिनाले यसअघि सन् १९७८ र १९८६ मा भएको विश्वकपको उपाधि जितेको थियो ।