हेटौंडा, १६ जेठ । बागमती प्रदेशको राजधानी हेटौंडामा भोलि मंगलबार डिजिटल बागमती संवाद आयोजना हुने भएको छ ।
आईसीटी फाउन्डेसन नेपालको आयोजनामा डिजिटल बागमती संवाद आयोजना गर्न लागिएको हो । संवाद मंगलबार हेटौंडाको एभोकाडो एण्ड अर्किड रिसोर्टमा आयोजना हुने आयोजकले जनाएको छ ।
डिजिटल संवादमा बागमती प्रदेशको डिजिटाइजेसन र डिजिटल रूपान्तरण विषयमा छलफल हुने छ ।
ह्वावेको मुख्य प्रायोजन र इन्फोडेभलपर्सको सहप्रयोजनमा आयोजना डिजिटल संवादमा बागमती प्रदेशका सरकारी, निजी तथा सार्वजनिक क्षेत्रका विज्ञ सरोकारवालाहरुबीच प्यानल संवाद आयोजना हुने छ ।
डिजिटल संवादमा निःशुल्क सहभागी हुन सकिने छ । यसअघि बागमती प्रदेश बाहेकका अन्य ६ वटा प्रदेशमा डिजिटल संवाद कार्यक्रम आयोजना भइसकेको छ ।
प्रतिक्रिया