आयल निगमको घाटा कति ?

काठमाडौँ, ५ फागुन । नेपाल आयल निगमले आफ्नो घाटा सार्वजनिक गरेको छ ।

अन्तरराष्ट्रिय बजारमा पेट्रोलियम पदार्थको मूल्य बढिरहेकाले इण्डियन आयल कर्पोरेशन (आईओसी) ले बढाएर नयाँ मूल्य सूची पठाएपछि निगमले घाटा सार्वजनिक गरेको हो ।

नेपाल आयल निगमका अनुसार विश्वमा कच्चा तेलको मूल्य झण्डै अमेरिकी डलर ९० देखि ९६ प्रति व्यारेल पुगिसकेको अवस्थामा इण्डियन आयल कर्पोरेशनले बुधवार राती नयाँ मूल्य सूची पठाएको हो । आईसीले पठाएको सूची अनुसार प्रतिलिटर पेट्रोल ५.६१, डिजेल ५.६२ र हवाई इन्धनमा ४.९५ ले बढेको छ ।

यससँगै अब नेपालमा पनि पेट्रोलियम पदार्थको मूल्यवृद्धि गर्ने संकेत गरिएको छ ।