देउवाले बोलाए पदाधिकारीहरूको बैठक

काठमाडौं, ६ भदौ । मुलुकको पछिल्लो राजनीतिक अवस्था र १४औँ महाधिवेशन लगायतका विषयमा छलफल गर्न नेपाली कांग्रेसको पदाधिकारी बैठक बस्दै छ ।

प्रधानमन्त्रीसमेत रहेका नेपाली कांग्रेसका सभापति शेरबहादुर देउवाले आज दिउँसो ३ बजे आफ्नो निजी निवास बूढानीलकण्ठमा पार्टीको पदाधिकारी बैठक बोलाएका हुन् ।

सरकारमा सहभागी हुने मन्त्रीहरुका नामका विषयमा छलफल गर्न पदाधिकारी बैठक बोलाएको देउवाको सचिवालयले जनाएको छ ।

प्रधानमन्त्री देउवाको प्रस्तावमा सत्तापक्ष गठबन्धनका नेताहरुले मंगलबार परराष्ट्रमन्त्री बनाउन डाक्टर नारायण खड्कालाई सहमति जनाएका छन् ।

सहमति जुटेसँगै देउवाले खड्कालाई परराष्ट्रमन्त्री बनाउने तयारी गरेका छन् । उनले आजै शपथ लिनेछन् ।

शपथ लिए लगत्तै खड्का राष्ट्रसंघको महासभामा भाग लिन न्युयोर्क जाने छन् । खड्का नेतृत्वमा चार सदस्यीय टोली आजै साँझ न्युयोर्कतर्फ प्रस्थान गर्ने परराष्ट्र मन्त्रालय स्रोतले जनाएको छ ।

नेपाली प्रतिनिधिमण्डलमा परराष्ट्रमन्त्री खड्का, परराष्ट्र सचिव भरतराज पौड्याल, संयुक्त राष्ट्रसंघीय मामिला हेर्ने सहसचिव र एकजना अधिकृत सहभागी हुने तय भएको छ । खड्काले नेपालका तर्फबाट महासभालाई सम्बोधन गर्ने कार्यक्रम छ ।

तर, वरिष्ठ नेता रामचन्द्र पौडेलले आफूहरूसँगको सल्लाह नगरी मन्त्री नियुक्त गर्ने निर्णय गरेको भन्दै मान्य नहुने बताएका छन् ।

गेष्ट हाउसमा महिला र पुरुष मृत फेला, छोरी सकुशल



उपनिर्वाचन- रास्वपालाई सहकारीको पिछा, मत जोगाउन व्यस्त एमाले-कांग्रेस



कतारी राजाको स्वागतमा तयार गेट (फोटो फिचर)



तीन दशकका अभ्यासहरुलाई सच्याउन समय लाग्छ, थोरै धैर्य गरिदिनु भए पुग्छ : गृहमन्त्री

सिफारिस


पूर्वराष्ट्रपति भण्डारी ‘गणतन्त्र गौरव सम्मान’बाट सम्मानित



एमालेद्वारा १५ बुँदे प्रस्ताव पारित, सत्ता सहकार्यलाई कमजोर पार्ने काम नगर्न आग्रह



एमाले प्रतिनिधि परिषद् बैठक : अनैतिक, भ्रष्ट र अनुशासनहीन क्रियाकलाप नियन्त्रणमा जोड



एमाले अध्यक्ष ओली बिरामी, वरिष्ठ उपाध्यक्षको अध्यक्षतामा प्रतिनिधि परिषद्को बैठक सुरू