काठमाडौं, २६ वैशाख । प्रधानमन्त्री एवं नेकपा एमालेका अध्यक्ष केपी शर्मा ओलीले पार्टीलाई विभाजनतिर जान नदिन आफ्नो प्रयास जारी राखेका छन् ।
सामुहिक रुपमा राजीनामा बुझाएर आफ्नै पार्टी नेतृत्वको सरकार ढाल्न अन्तिम विन्दुमा पुगेका माधव–झलनाथ समूहका नेताहरुसँग ओलीले पुनः छलफल अगाडि बढाएका छन् । ओलीले माधव कुमार नेपालसँग वार्ता गर्न भन्दै संसदीय दलका उपनेता सुवासचन्द्र नेम्वाङ र अर्थमन्त्री समेत रहेको नेता विष्णु पौडेललाई सिंहदरबार पठाएका छन् ।
ओलीको यो कदम नेपाल पक्षलाई पार्टीमा फर्काउने अन्तिम प्रयास हो । पौडेल र नेम्वाङ यसअघि माधव नेपाल पक्षका दोस्रो तहका नेतासँग लगातार संवादमा थिए ।
माधव पक्षका नेताहरुले पनि भोलि बिहानसम्म पनि कुनै परिणाम ननिस्किएमा राजीनामा दिएर बाटो फरक गर्ने बताउँदै आएका छन् ।
प्रतिक्रिया
सम्बन्धित
सिफारिस