सीइडीबी हाइड्रोपावरले भोलिदेखि साधारण शेयर निष्काशन गर्ने

काठमाडौं, १६ वैशाख । सीइडीबी हाइड्रोपावर डेभलपमेन्ट कम्पनीले भोलिदेखि साधारण शेयर (आईपीओ) निष्काशन खुला गर्ने भएको छ ।

कम्पनीले प्रतिकित्ता रू. १०० अंकित दरको २५ लाख १८ हजार २३० कित्ता साधारण शेयर निष्काशन गर्न लागेको हो । निष्काशित शेयरमध्ये २% अर्थात् ५० हजार ३६५ कित्ता शेयर कर्मचारी र ५% ले हुने १ लाख २५ हजार ९११ कित्ता शेयर म्युचुअल फन्डलाई छुट्याएको छ । बाँकी २३ लाख ४१ हजार ९५४ कित्ता शेयरमा सर्वसाधारणले आवेदन दिन सक्ने छन् ।

कम्पनीको साधारण शेयरको निष्काशन तथा विक्रीका लागि निष्काशन तथा विक्री प्रबन्धकमा सनराइज क्यापिटल लिमिटेड रहेको छ । इच्छुक लगानीकर्ताले सी—आश्वा सदस्य बैंक तथा वित्तीय संस्था र मेरो शेयरमार्फत अनलाइनबाट साधारण शेयरमा लगानीका लागि आवेदन दिन सक्ने छन् । उक्त सीइडीबीको साधारण शेयर निष्काशन बन्द मिति छिटोमा वैशाख २१ गतेसम्म रहने छ ।

साधारण शेयर विक्रीपछि संस्थापक र सर्वसाधारणको शेयर अनुपात ७०ः३० कायम हुने छ । हाल यस कम्पनीको चुक्ता पूँजी ५८ करोड ७५ लाख ९० हजार छ । साधारण शेयर विक्रीपश्चात कम्पनीको चुक्ता पूँजी ८३ करोड ९४ लाख १० हजार रूपैयाँ हुने छ ।

कम्पनीको लगानी रहेको लमजुङ जिल्लामा ४.४० मेगावटको राधी विद्युत कम्पनी र ०.१८ मेगावटको स्यागे खोला जलविद्युत् आयोजना गरी २ वटा हाइड्रोपावर परियोजना सञ्चालन भइरहेको छ । कम्पनीको लगानी रहेको राप्ती हाइड्रो एण्ड जनरल कन्स्ट्रकशन लिमिटेड, दोर्दी खोला जलविद्युत लिमिटेड तथा खारे खोला जलविद्युत कम्पनी लिमिटेड गरी ३ वटा आयोजनाहरू निर्माण भइरहेका छन् ।

साथै कम्पनीको लगानी रहेको संखुवासभा मकालु गाउँपालिका–०२ मा ४५ मेगावटको कसुवा खोला जलविद्युत आयोजना पनि निर्माण गर्ने क्रममा रहेको छ ।

च्याटजिपिटीको नयाँ संस्करण जिपिटी-४० लन्च, यस्तो छ विशेषता



डलर स्थिर हुँदा बढ्यो युरो र पाउण्डको भाउ



नेपाल चेम्बर र अर्मेनियाको चेम्बरबीच सहकार्य सम्झौता



सिटिजन्स बैंक र दुषित प्रिन्सेस काठमाडौंबीच सम्झौता

सिफारिस


दुईजना सहसचिव सचिवमा बढुवा



यी हुन् एकीकृत समाजवादीले पारित गरेको १८ बुँदे प्रस्ताव



नेपालकी श्रेया गिरी फोर्ब्सको प्रभावशाली व्यक्तिको सूचीमा



३१औँ मदन–आश्रित स्मृति दिवस मनाइयो (तस्वीरहरु)