थप ३५ सय ५६ जनामा कोरोना संक्रमण, १२ जनाको मृत्यु

काठमाडौँ, १३ वैशाख । नेपालमा पछिल्लो २४ घण्टामा थप ३ हजार ५५६ जनामा कोरोनाभाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले पीसीआर र एन्टिजेन परीक्षणबाट गत २४ घण्टामा थप ३ हजार ५५६ जनामा कोरोना पुष्टि भएको जनाएको छ ।

१२ हजार ४ सय जनाको पीसीआर र ८९३ जनाको एन्टिजेन परीक्षण भएको मन्त्रालयले जनाएको छ ।

यससँगै कुल संक्रमितको संख्या ३ लाख ३ सय ५६१ जना पुगेको मन्त्रालयले जनाएको छ ।

पछिल्लो २४ घण्टामा थप ३७८ जना कोरोनामुक्त भएका छन् । योसहित निको हुनेको संख्या २ लाख ७७ हजार ९ सय ५१ जना पुगेको छ ।देशभर सक्रिय संक्रमितको संख्या २२ हजार ४ सय ३४ जना रहेको छ ।

२४ घण्टामा थप १२ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या ३ हजार १ सय ७६ जना पुगेको मन्त्रालयले जनाएको छ ।

हालसम्म नेपालमा २४ लाख १७ हजार ४ सय १७ जनाको पीसीआर परीक्षण भइसकेको छ ।