चन्द्रौटा, ७ वैशाख । कपिलवस्तुको कृष्णनगर नगरपालिकाका एक वडा अध्यक्षले लेखापाल माथि हातपात गरेका छन् ।
सोमबार कृष्णनगर नगरपालिका–६ का अध्यक्ष देवानन्द शुक्लाले नगरपालिकाका लेखापाल सन्तोष पन्थीमाथि हातपात गरेको भन्दै कर्मचारीहरुले पेन डाउन गरेका छन् । आइतबार लेखा प्रमुख पन्थीले वडा अध्यक्षको विल भरपाईमा आएको बेरुजुको बारेमा बुझाउँदै गर्दा वडा अध्यक्षले एक्कासी हातपात गरेको र कार्यालय तोडफोड गरेको पन्थीले बताए ।
कर्मचारी माथि कार्यालय समयमा जनप्रतिनिधिबाट हातपात भएपछि नगरका सम्पूर्ण कर्मचारीले असुरक्षित रहेको विज्ञप्तिमार्फत बताएका छन् । कर्मचारीमाथि भएको दुर्व्यवहार र हातपातका कारण नगरपालिकाका कर्मचारीले सोमबार पेन डाउन गरेको प्रमुख प्रशासकीय अधिकृत विजय कार्कीले बताए ।
वडाअध्यक्ष शुक्लाले भने आफूले हातपात नगरेको बताएका छन् । आफ्नो नाममा आएको यातायात र खाजा नास्ताको बेरुजुको भौचर देखाउन लेखापाललाई आग्रह गर्दा नदेखाएको र उल्टै धम्की दिएकाले भनाभन भएको उनले स्वीकार गरेका छन् ।
कर्मचारी र नगर प्रमुखको मिलेमतोमा आफूलाई अफ्ठ्यारो पार्न खोजेको अध्यक्ष शुक्लाको भनाइ छ । नगरपालिका प्रमुख रजत प्रताप शाहले कर्मचारीमाथि जनप्रतिनिधिले हातपात गर्नु गलत कार्य भएको बताएका छन् ।
किन बढ्दैछ विश्वभर प्रोस्टेट क्यान्सर ?
जरलहवामा आगलागीबाट दुई वटा बस्ती नै खरानी, ९७ घर जले
प्रहरी चौकी भवन निर्माण ५ वर्षदेखि अलपत्र
बक्सिङ टोली उज्वेकिस्तान प्रस्थान
अन्तरिक्ष यात्रामा जाँदै सुनिता विलियम्स
घट्यो सुनचाँदीको मूल्य
यस्तो छ आजको विदेशी मुद्रा विनिमय दर
विकु लामाको ‘सुनको सिक्री’ गीत सार्वजनिक
सिटिजन्स बैंकका ग्राहकलाई काठमाडौंका विभिन्न संघ संस्थामा विशेष छुट
लक्ष्मी सनराइज बैंकको काठमाडौं उपत्यकाभित्र २ वटा शाखा स्थानान्तरण
आफ्ताब आलमलाई जन्मकैदको फैसला
सुनिल पौडेललाई थुनामा राख्न आदेश
शरणार्थी प्रकरण : आङटावा शेर्पा र गोविन्द चौधरीलाई धरौटीमा छाड्न आदेश
टोपबहादुर रायमाझीसहित ७ जनालाई थुनामै राख्न अदालतको आदेश
