प्रतिनिधिसभाको अर्को बैठक चैत ३० गते बस्ने

काठमाडौँ, २६ चैत । प्रतिनिधिसभाको अर्को बैठक चैत ३० गते बस्ने भएको छ ।

बिहीबारको बैठकमा सूचना प्रविधिसम्बन्धी विधेयकको प्रतिवेदन पेश नगरीकनै बैठक सकिएको छ ।

प्रमुख प्रतिपक्षी दल नेपाली काँग्रेसको विरोधका कारण सूचना विधेयक पेश गर्ने कार्यसूची हटाइएको थियो ।

आजको बैठकमा सांसदहरुले शून्य र विशेष समयमा बोलेका थिए ।

त्यस्तै, सभामुख अग्निप्रसाद सापकोटाले माओवादी केन्द्रबाट एमाले प्रवेश गरेका ४ सांसदहरु टोपबहादुर रायमाझी, प्रभु शाह, लेखराज भट्ट र गौरीशंकर चौधरीको सांसद पद गुमेको सूचना दिएका थिए ।