काठमाडौँ, २६ चैत । वागमती प्रदेशसभा बैठक स्थगित भएको छ ।
प्रमुख प्रतिपक्ष दल माओवादी केन्द्रका सांसदहरुले सभा चल्न नदिएपछि सभामुख सानु कुमार श्रेष्ठले अर्को सूचना जारी नभएसम्मका लागि बैठक स्थगित गरेका हुन् ।
उनीहरुले विद्युतीय बस सञ्चालनप्रति असन्तुष्टि व्यक्त गरेका हुन् ।
त्यस्तै, मदन भण्डारी फाउण्डेशनलाई दिइएको ५० लाख रुपैयाँबारे स्पष्ट पार्न पनि सांसदहरुले माग गरेका थिए ।
त्यस्तै, सांसदहरुले सरकार जनताको उपचारप्रति गम्भीर नभएकोले कोभिड १९ को दर बढ्दै गएको दावी गरे ।
माओवादीका सांसदहरुले मुख्यमन्त्री डोरमणी पौडेलबाट थप प्रश्नका स्पष्ट जवाफको माग गर्दै संसद अवरुद्ध गरेका थिए ।
प्रदेशसभा बैठकमा छलफलका लागि आज तयार गरिएको कार्यसूची माओवादी केन्द्रको अवरोधका कारण संसदमा पेश नै नभइ हटाइएको थियो ।
प्रतिक्रिया