काठमाडौँ, १६ चैत । सरकारले थरुहटका आन्दोलनरत पक्षसँग वार्ता गर्न टोली गठन गरेको छ ।
रेशम चौधरी लगायतका बन्दीहरुको रिहाईको माग गर्दै आन्दोलनरत थारु कल्याणकारी सभा, थरुहट–थारुवान संयुक्त संघर्ष समिति र केन्द्रीय संघर्ष समितिसँग वार्ता गर्न गृहमन्त्री रामबहादुर थापा बादलको नेतृत्वमा टोली बनाएको हो ।
त्यस्तै, वार्ता टोलीमा प्रधानमन्त्रीका परराष्ट्र मामिला सल्लाहकार राजन भट्टराई र पूर्व सांसद भगवती चौधरी सदस्य छन् ।
आन्दोलनरत पक्षले राखेको १९ बुँदे माग सम्बोधन गर्न वार्ता टोली गठन गरिएको सरकारका प्रवक्ता एवं सञ्चारमन्त्री पार्वत गुरुङले जानकारी दिए ।
आजैदेखि वार्ता सुरु हुने बताइएको छ ।
चैत १२ गते आन्दोलनरत पक्षलाई वार्तामा आउन सरकारले आग्रह गरेको थियो ।
प्रतिक्रिया