काठमाडौँ, २९ फागुन । नेता रामबहादुर थापा ‘बादल’ले नेकपा एमालेको औपचारिक जिम्मेवारी सम्हालेका छन् ।
माओवादी केन्द्रमा नफर्किने निर्णय गरेसँगै बादललाई एमालेले केन्द्रीय सदस्य एवम् वागमती प्रदेशको इञ्चार्जमा मनोनयन गरेको थियो ।
शनिबार च्यासलमा आयोजित एक कार्यक्रममा बादलले प्रदेश इञ्चार्जको जिम्मेवारी औपचारिक रुपमा लिएका हुन् ।
शुक्रबार बसेको पार्टीको विशेष बैठकले बादललाई उक्त जिम्मेवारी दिएको थियो । त्यसको भोलिपल्टै उनले जिम्मेवारी सम्हालेका हुन् ।
बादलसँगै २३ जना पूर्वमाओवादी नेताहरु एमालेको केन्द्रीय सदस्यमा मनोनित भएका छन् ।
उता माओवादी केन्द्रले भने शनिबार विहान २४ घण्टाभित्र स्पष्टिकरण दिनका लागि एमालेमा प्रवेश गरेका नेताहरुलाई निर्देशन दिएको थियो । यद्यपि उनीहरुले भने माओवादीमा नफर्किने निर्णय गरिसकेका छन् ।
प्रतिक्रिया
सम्बन्धित
सिफारिस