केही दिनमै मेलम्चीको पानी धारा–धारामा आउँछः प्रधानमन्त्री ओली

काठमाडौँ, २९ फागुन । प्रधानमन्त्री केपी शर्मा ओलीले मेलम्चीको पानी केही दिनभित्रै धारा–धारामा वितरण हुने बताएका छन् ।

शनिबार अखिल नेपाल महिला संघ केन्द्रीय कमिटीले अन्तर्राष्ट्रिय श्रमिक महिला दिवसको अवसरमा आयोजित समारोहलाई सम्बोधन गर्दै प्रधानमन्त्री ओलीले मेलम्चीको पानी केही दिनमा वितरण हुने बताएका हुन् ।

‘कतिपयलाई लागिसकेको थियो कि मेलम्चीको पानी आउँदैन । हामी निरन्तर अघि बढिरहेका छौं । हामीले मेलम्चीको पानी काठमाडौंमा खसाल्यौं, बागमतीमा बगिरहेको देख्नुुभएको छ । केही दिनभित्रै धारा–धारामा पानी आउनेछ,’ उनले भने ।

सम्बोधनका क्रममा उनले आफ्नो कार्यकालमा धेरै विकासका गतिविधिहरु गरेको बताउँदै, सुखी नेपाली, समृद्ध नेपाल नारालाई सार्थक तुल्याउन लाग्दा आफ्नो खुुट्टा तान्ने कोसिस भएको बताए ।

‘हाम्रो विकासको गतिलाई कोभिड–१९ ले पनि रोक्न सकेन । हाम्रो विरोधीहरु र खुट्टा तान्नेहरुले पनि रोक्न सकेनन्,’ उनले भने, ‘हाम्रो पार्टीलाई बदनाम गराउने, हाम्रो पार्टीको चरित्र हत्या गर्ने कामहरु भए । देशलाई अस्थिरतातर्फ धकेल्ने स्थिरता हुन नदिने विकासको क्रममा बढ्न नदिने काम भए ।’

जुम्ला महोत्सवमा गायिका ज्योति मगरमाथि ढुंगा प्रहार



आफूहरूको सम्पत्ति सार्वजनिक गरिदिन रास्वापाका मन्त्रीहरूले लेखे पत्र



अशोक राई नेतृत्वको नयाँ दल जसपा निर्वाचन आयोगमा दर्ता



पञ्चा सिंहविरुद्ध मुद्दा नचलाउने सरकारी वकिलको निर्णय

सिफारिस


वामदेव एमालेमा फर्कन तयार, भने- अब म खुट्टा तान्न होइन, सहयोग गर्न आउने हो



गोंगबुको होटलमा पुरूषसँग बसेकी महिला मृत फेला



प्रचण्ड, ओली र रविबीच तीन घन्टा वार्ता



मुख्यमन्त्री सोडारीको विश्वासको मत थप अन्योलमा