मकवानपुर, १३ माघ । हेटौँडा उपमहानगरपालिका ४ सानोपोखरा डेरा गरी बस्ने २५ वर्षीय निरज मनियारलाई चिर्पट प्रहार गरी घाइते बनाएको अभियोगमा सोही उपमहानगरपालिका २ बन्सखण्डी बस्ने ३६ वर्षीय राज तिमल्सिनालाई सोमबार राति प्रहरीले पक्राउ गरेको छ ।
सोही उपमहानगरपालिका २ बन्सखण्डी बस्ने २२ वर्षीया महिलालाई निरजले हातपात गरेको भन्दै राजले चिर्पट प्रहार गर्दा घाइते भएको भन्ने खबर प्राप्त हुनासाथ वडा प्रहरी कार्यालय सानोपोखराबाट खटिएको प्रहरीले राजलाई पक्राउ गरेको हो ।
घाइते निरजलाई उपचारका लागि हेटौंडा अस्पताल हुँदै पुरानो मेडिकल कलेज भरतपुर पठाइएको छ ।
घटनाका सम्बन्धमा प्रहरीले थप अनुसन्धान गरिरहेको छ ।
प्रतिक्रिया
सम्बन्धित
सिफारिस