काठमाडौं, २ पुस । पछिल्लो २४ घण्टामा काठमाडौं उपत्यकामा ३६३ जनामा कोरोना संक्रमण पुष्टि भएको छ ।
संक्रमण पुष्टि हुनेमा १५२ महिला र २११ जना पुरुष छन् । स्वास्थ्य तथा जनसंख्या मन्त्रालयका अनुसार काठमाडौंमा २७३, भक्तपुरमा ४१ र ललितपुरमा ४९ जना नयाँ संक्रमित थपिएका हुन् ।
नेपालमा पछिल्लो २४ घण्टामा कोरोना भाइरसका ७७६ जना नयाँ संक्रमित थप भएका छन् ।
पीसीआर विधिबाट ६ हजार ५८८ जनाको स्वाब परीक्षण गर्दा उक्त संख्यामा संक्रमित पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या २ लाख ५१ हजार ६९२ जना पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९४७ जना संक्रमित निको भएर अस्पतालबाट डिस्चार्ज भएका छन् । यो सँगै नेपालमा कोरोना भाइरसको संक्रमण जितेर घर फर्किनेको संख्या २ लाख ४० हजार ३६३ जना पुगेको छ ।
यस्तै पछिल्लो २४ घण्टामा देशभर ६ जना संक्रमितले ज्यान गुमाएका छन् । यो सँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ७४९ जना पुगेको छ ।
हाल देशभर सक्रिय संक्रमितको संख्या ९ हजार ५८० छ ।
मन्त्रालयका अनुसार हालसम्म नेपालमा १८ लाख ५५ हजार ७२४ जनाको पीसीआर विधिबाट स्वाब परीक्षण गरिएको छ भने अहिले ९ हजार ५८० जना आइसोलेसन र ४४४ जना क्वारेन्टिनमा छन् ।
प्रतिक्रिया