पूर्वाधार विकासका बाँके प्रमुख ५ लाख ३० हजार घुससहित पक्राउ

काठमाडौँ, १४ भदौ । पूर्वाधार विकास कार्यालय बाँकेका प्रमुख सीडीई मनिषकुमार अर्याललाई अख्तियार दुरुपयोग अनुसन्धान आयोगले घुससहित पक्राउ गरेको छ ।

आयोगको बुटवलबाट खटिएको टोलीले अर्याललाई स्रोत नखुलेको ५ लाख ३० हजार रुपैयाँसहित पक्राउ गरेको हो ।

उनलाई प्रदेश ५ को पूर्वाधार विकास मन्त्रालयबाट गाडीसहित पक्राउ गरिएको अख्तियारले जनाएको छ ।