१० जना थुनुवा र २ चिकित्सकसहित रुपन्देहीमा थपिए २५ कोरोना संक्रमित

काठमाडौँ, १० भदौ । ईलाका प्रहरी कार्यालय बुटवलको हिरासतमा १० जना थुनुवामाथि कोरोनाभाइरस संक्रमण पुष्टि भएको छ ।

वुधबार आएको रिपोर्टमा १० जना थुनुवामा संक्रमण देखिएको जिल्ला जनस्वास्थ्य कार्यालय रुपन्देहीले जनाएको छ ।

त्यस्तै, वुधबार रुपन्देहीमा थप २५ जनामा संक्रमण पुष्टि भएको हो । जसमा बुटवलका २ जना चिकित्सक पनि रहेका छन् । यससँगै जिल्लामा संक्रमितको संख्या ७ सय ६० पुगेको छ । जसमध्ये ४ सय ८ जना सक्रिय संक्रमित हुन् ।