वीरगञ्जका मेयर सरावगी कोरोनामुक्त

काठमाडौँ, ८ भदौ । वीरगञ्जका मेयर विजयकुमार सरावगी २४ दिनपछि कोरोनामु्क्त भएका छन् ।

उनी निको नहुँदै काठमाडौँबाट वीरगञ्ज पुगेका थिए ।

साउन १५ गते काठमाडौँ आउँदा मेयर सरावगीमा कोरोना संक्रमण पुष्टि भएको थियो । संक्रमण देखिएपछि उनी काठमाडौँस्थित आफ्नो घरमै होम आइसोलेसनमा बस्दै आएका थिए ।

उनी संक्रमणमुक्त नहुँदै चालकलाई पीपीई प्रयोग गराएर वीरगञ्ज पुगेका थिए । आफू निको हुनेबित्तिकैदेखि छलफलमा जुटेको बताए ।

पछिल्लो समय पर्सा सबैभन्दा धेरै संक्रमति भएको जिल्लामध्ये दोस्रो बनेको छ ।