खेलामा डुबेर २ जनाको मृत्यु

काठमाडौँ, १ भदौ । दाङ र कञ्चनपुरमा गरी २ जनाका डुबेर मृत्यु भएको छ ।

दाङको गढवा गाउँपालिका–१ रंसिङ खोलामा सोही स्थान बस्ने ३२ वर्षीय बेगम कामीको हिजो दिउँसो डुबेर मृत्यु भएको हो । खोलामा कपडा धुन गएको अवस्थामा उनको डुबेर मुत्यु भएको हो ।

यस्तै, कञ्चनपुरको महाकाली नगरपालिका–८ जर्गा टोलस्थित रामपुरे टापु खल्लामा डुबेर सोही स्थान बस्ने ६३ वर्षीय गंगे कामीको हिजो मृत्यु भएको छ ।

सोही नगरपालिकास्थित जनज्योती माविमा वृद्धभत्ता बुझी घरतर्फ आउने क्रममा उक्त खल्लामा डुबेर अशक्त भएका उनको प्राथमिक स्वास्थ्य केन्द्र दोधारामा उपचारको क्रममा मृत्यु भएको हो ।