१६ सशस्त्र प्रहरीसहित प्रदेश १ मा थप ६६ जनामा कोरोना पुष्टि

काठमाडौँ, २२ साउन । प्रदेश १ मा थप ६६ जनामा कोरोनाभाइरस संक्रमण पुष्टि भएको छ ।

जसमध्ये इलाममा १६ जना सशस्त्र प्रहरी रहेका छन् ।

त्यसैगरी मोरङमा २४ जनामा संक्रमण पुष्टि भएको छ । जसमा २१ जना विराटनगरका रहेका छन् । त्यस्तै, सुनसरीमा १९ जना, इलाममा १६ जना, झापामा ८ जना संक्रमितहरु थपिएको सामाजिक विकास मन्त्रालयले जानकारी दिएको छ ।

यससँगै प्रदेश १ मा कोरोना संक्रमितको संख्या १ हजार २ सय ५५ जना पुगेको छ ।

त्यसमध्ये ९ सय ५ जनाले कोरोना जितेका छन् । बिहीबार थप १८ जना कोरोनामुक्त भएका हुन् ।

त्यस्तै, हालसम्म कोरोनाका कारण प्रदेश १ मा ४ जनाको मृत्यु भइसकेको छ ।