कपिलवस्तु, २० साउन । कपिलवस्तुमा स्रोत नखुलेको १६ लाख रुपैयाँसहित एक जना पक्राउ परेका छन् ।
मायादेवी गाँउपालिका ४ स्थित सीमा ईलाकाबाट साउन २० गते एपीएफ टोलीले श्रोत नखुलेको १६ लाख रुपैयाँसहित गाँउपालिका १ बस्ने ३८ बर्षिय बिनोद सोनारलाई पक्राउ गरेको हो ।
सशस्त्र प्रहरी बल, नेपाल बोर्डर आउट पोष्ट चाकडचौडाबाट खटिएको एपीएफ टोलीले सोनारलाई रुपैयाँसहित पक्राउ गरेको हो ।
भारतबाट नेपालतर्फ आउँदै गरेका सोनारलाई जाँच गर्दा उनको साथमा रुपैयाँ फेला परेको र रुपैयाँको श्रोत खुलाउन नसकेपछि पक्राउ गरिएको हो ।
पक्राउ परेका सोनारलाई बरामद रुपैयाँसहित आवश्यक कारवाहीको लागि स्थानीय प्रहरीमा बुझाइएको छ ।
प्रतिक्रिया