काठमाडौं, १३ साउन । नेकपा स्थायी कमिटीको बहुमत सदस्यहरुको बैठक बालुवाटारमा सम्पन्न भएको छ ।
बैठकले प्रधानमन्त्री तथा अध्यक्ष केपी शर्मा ओलीविरुद्ध खेद प्रस्ताव पारित गरेको छ । पार्टीको विधि र पद्धति अनुसार नचलेर प्रधानमन्त्री तथा अध्यक्ष केपी ओलीले एकलौटी रुपमा स्थायी कमिटीको बैठक स्थगित गर्नु आपत्तिजनक भएको ठहर गर्दै बैठक सम्पन्न भएको स्थायी कमिटी सदस्य भिम रावलले बताए ।
त्यसविरुद्ध खेत प्रस्ताव पारित गरेको उनको भनाइ छ । बैठकले प्रधानमन्त्री ओलीसँग यस विषयमा कार्यकारी अध्यक्ष प्रचण्डले छलफल गर्ने निर्णय पनि भएको बताइएको छ ।
४४ सदस्यीय स्थायी कमिटीमा आजको बैठकमा २९ जना सदस्य उपस्थित रहेको रावलको दाबी छ । तर, ओली पक्षका स्थायी कमिटी सदस्यहरु भने १५–१६ जना भएर खुमलटारको जस्तै भेला बालुवाटारमा गरेको जिकिर गरिरहेका छन् ।
यसअघि बैठकमा अध्यक्ष प्रचण्डले पार्टीलाई दुर्घटनाबाट बचाउन पहल गरिरहेको जानकारी गराउदै बैठकलाई पार्टी स्थायी कमिटीको पूर्ण बैठक नभई बहुमत सदस्यको भनेका थिए ।