जसपाले सरिता गिरीको ठाउँमा लिलादेवी सिटौलालाई सांसद बनायो

काठमाडौँ, १२ साउन । सरिता गिरीको ठाउँमा जनता समाजवादी पार्टीले लीलादेवी सिटौलालाई प्रतिनिधि सभा सदस्यका लागि पठाएको छ ।

पार्टीको नीति निर्देशन नमानेकोले गिरीलाई पार्टीले सांसद र पार्टीबाट हटाएपछि रिक्त रहेको उक्त पदमा सिटोलाको नाम निर्वाचन आयोगलाई पठाएको समाजवादीले जनाएको छ ।

समाजवादीको सिफारिसमा निर्वाचन आयोगले सिटौलालाई प्रतिनिधि सभा सदस्य भएको घोषणा गरेको छ ।

समानुपातिक तर्फबाट सांसद भएकी गिरी लिम्पियाधुरा समेटिएको नक्सा निशान छापमा राख्न गरिएको संविधान संशोधनमा उनले पार्टीको निर्णय विपरित मतदान गरेकी थिइन् ।

पार्टीको ह्वीप नमानेकोले गिरीलाई कारवाही गरिएको थियो ।

सिटौलालाई सभामुखले सपथ ग्रहण गराउनेछन् ।