शुक्रबार, २ असोज २०७७
DainikNepal.com
शुक्रबार, २ असोज २०७७

नक्कली नोटको कारोबारको आरोपमा कलेज पढ्ने प्रशान्त पक्राउ

दैनिक नेपाल २०७७ साउन १० गते १६:०२

सांकेतिक तस्वीर

काठमाडौँ, १० साउन । सेन्ट जेभियर्स कलेजमा बीबीएस पढ्ने प्रशान्त सिंह ठकुरी नक्कली नोटको कारोबार गरेको अभियोगमा पक्राउ परेका छन् ।

अनलाइनमा बेच्न राखिएको स्मार्ट फोन किन्दा २२ वर्षीय ठकुरी पक्राउ परेका हुन् ।

अनलाइनको विज्ञापनमार्फत साढे २० हजार रुपैयाँमा मोबाइल किन्ने योजनाअनुरुप ठकुरीले मोबाइल किनेका थिए ।

हाइप्रोफाइल परिवारका ठकुरी मोबाइल किन्न कार चढेर आएर खाममा पैसा तिरेर गएका थिए ।

मोबाइल बेच्नेले खामबाट पैसा झिक्दा नक्कली भएको आशंका गर्र्दै महानगरीय प्रहरी वृत्त स्वयम्भुमा निवेदन दिए ।

प्रहरीले प्रशान्तलाई मोबाइल किनेको केहीबेरमै १९ हजार नक्कली नोटसहित पक्राउ गर्यो ।

नेपालगञ्ज उप–महानगरपालिका–३ घरबारीटोल स्थायी घर भएका प्रशान्तले घरमै कलर प्रिन्टरबाट नक्कली नोट छापेको बताएका छन् । प्रशान्तले दिएको २० हजार ५ सय मध्ये १ हजार दरका १९ वटा नोट नक्कली रहेको प्रहरीको अनुसन्धानबाट थाहा भएको छ ।

प्रतिक्रिया
सम्बन्धित