थप एक जनासँगै नेपालमा कोरोनाका कारण मृत्यु हुनेको संख्या ३० पुग्यो

दैनिक नेपाल २०७७ असार १७ गते १०:१४

सांकेतिक तस्वीर

काठमाडौं, १७ असार । कोरोना भाइरस (कोभिड–१९) संक्रमणका कारण मृत्यु हुनेको संख्या ३० पुगेको छ । सुदूरपश्चिम प्रदेश अछाम रामारोशन गाउँपालिका–५ का ४५ वर्षीय पुरुषको कोरोनाका कारण मृत्यु भएको बताइएको छ ।

जिल्ला अस्पताल अछामका अनुसार ती पुरुषको १४ असारमा बयालपाटा अस्पतालमा मृत्यु भएको थियो । उनी भारतबाट गौरीफन्टा नाका हुँदै जेठ २७ गते अछाम पुगेर क्वारेन्टाइनमा बसेका थिए । श्वासप्रश्वासमा समस्या आएपछि उनलाई उपचारको लागि बयालपाटा अस्पतालमा लगिएको थियो ।

आकस्मिक कक्षमा उपचारको क्रममा उनको आइतबार मृत्यु भएका उनको स्वाको पिसीआर परिक्षणमा कोरोना पोजिटिभ देखाएको हो ।