वीरगञ्जमा नर्सलाई देखियो कोरोना, शिक्षण अस्पतालका ३८ स्वास्थ्यकर्मी क्वारेन्टाइनमा

काठमाडौं, १ जेठ । कोरोना भाइरस (कोभिड–१९) संक्रमितको उपचारमा संलग्न रहेकी वीरगञ्जकी एक नर्समा संक्रमण पुष्टि भएको छ ।

३६ बर्षिया ति नर्सलाई पनि कोरोना उपचारका लागि आइशोलेसनमा राखिएको छ ।

यस्तै, कोरोना संक्रमण पुष्टि भएकी त्रिवि शिक्षण अस्पताल, महाराजगञ्जमा उपचाररत ६ वर्षीया बालिकाको उपचारमा संलग्न चिकित्सक, नर्स लगागत ३८ जनालाई क्वारेन्टाइनमा राखिएको छ ।

अस्पतालको न्यूरो वार्डमा उपचाररत बालिकाको कोरोना परीक्षणको रिपोर्ट पोजेटिभ आएको थियो ।

स्रोतका अनुसार न्यूरो वार्डमा रहेका पाँच जना बिरामीलाई नै गणेशमानसिंह भवनमा बनाइएको आइसोलेसन वार्डमा सारिएको छ। साथै उपचारमा संलग्न चिकित्सक, नर्स, काठमाडौं ल्याउने आफन्तलाई पनि क्वारेन्टाइनमा राखिएको छ ।