एक हजारका ३१ थान नक्कली नोटसहित २ जना पक्राउ

काठमाडौँ, ५ माघ । काठमाडौँ महानगरपालिका १४ कलंकी चोकबाट १ हजार दरको ३१ थान नेपाली नक्कली नोटसहित २ जनालाई आइतबार बिहान प्रहरीले पक्राउ गरेको छ ।

पक्राउ पर्नेहरूमा बारा निजगढ घर भएका २७ वर्षीय अनुस थापा मगर र सोही ठाउँ बस्ने २२ वर्षीय रवि आले मगर रहेका छन् । महानगरीय प्रहरी वृत्त कालिमाटीबाट खटिएको प्रहरीले उनीहरूलाई उक्त नक्कली नोट सहित पक्राउ गरेको हो ।

घटनाका सम्बन्धमा प्रहरीले थप अनुसन्धान गरिरहेको छ ।