सोमबार, ३० भदौ २०७६
DainikNepal.com
सोमबार, ३० भदौ २०७६

दाहाल–नेपालद्वारा जयशंकरसँग भेट्न अस्वीकार

दैनिक नेपाल २०७६ भदौ ६ गते ९:२३

काठमाडौं, ६ भदौ । सत्तारुढ नेपाल कम्युनिस्ट पार्टी (नेकपा)का दोस्रो अध्यक्ष पुष्पकमल दाहाल र पूर्वप्रधानमन्त्री माधवकुमार नेपालले भारतीय विदेशमन्त्री सुब्रमण्वम जयशंकरलाई भेट्न अस्वीकार गरिदिएका छन् ।

भारतीय विदेश सचिव जयशंकरले पूर्वप्रधानमन्त्रीहरूलाई भेट्न निम्तो पठाएका थिए । भारतीय विदेशमन्त्री जयशंकरलाई होटेलमा गएर कुटनीतिक मर्यादा विपरित हुनेभन्दै निवासमै आएर भेट्न दाहाल र नेपालले सन्देश पठाएका थिए ।

दाहाल र नेपालको सो आग्रहलाई भारतीय विदेश सचिव जयशंकरले पनि मानेनन् । विदेशमन्त्री जयशंकरले आफू बसेको होटेलमा दिनभरि भेटवार्ताहरू गरी बिहीबार स्वदेश फर्किएका छन् ।

भारतीय विदेश सचिव जयशंकरलाई पूर्वप्रधानमन्त्री समेत रहेका प्रमुख विपक्षी दल नेपाली कांग्रेसका नेता शेरबहादुर देउवाले होटेलमै गएर भेटेका थिए ।

नेपाली कांग्रेसले प्रमुख विपक्षी दलको नेताको हैसियतले सभापति देउवाले भारतीय विदेशमन्त्री जयशंकरलाई होटेलमै गएर भेटेको प्रतिक्रिया दिएको छ ।

पूर्वप्रधानमन्त्री डा.बाबुराम भट्टराईले पनि विदेशमन्त्री जयशंकरलाई भेटेका छन् । डा.भट्टराईसँगै उपप्रधान एवम् स्वास्थ्यमन्त्री उपेन्द्र यादवले पनि जयशंकरलाई होटेलमा भेटेका छन् ।

देउवा र भट्टराईले आफ्नो पदीय मर्यादा विपरित भारतीय विदेशमन्त्रीलाई होटेलमै पुगेर भेटेको भन्दै आलोचना भएको छ ।

यसअघि, भारतीय विदेशमन्त्री जयशंकरले राष्ट्रपति विद्यादेवी भण्डारी र प्रधानमन्त्री केपी ओलीलाई अलग अलग भेटेका थिए ।

प्रधानमन्त्री ओली र भारतीय विदेशमन्त्री जयशंकरका बीच एक्लाएक्लै वार्ता समेत भएको थियो । सो विषयको आलोचना पनि भएको छ ।

प्रतिक्रिया
सम्बन्धित