सिरहामा बाढीमा डुबेर १० वर्षीया बालिकाको मृत्यु

महेश सिंह महतो

सिरहा, ३० असार । सिरहाको मिर्चैया नगरपालिका १ मा बाढीमा डुवेर एक बालिकाको मृत्यु भएको छ ।

मौसम सफा भएपछि बाख्रा चराउन गएका १० वर्षीय रागिनी मण्डलको मृत्यु भएको प्रहरीले जनाएकाे छ ।

बाख्रा चराउन गएकी उनको खुट्टा चिप्लिएर धेरै पानी भएको ठाउँमा डुवेपछि मृत्यु भएको स्थानीय प्रत्यक्षदर्शीले बताए ।

खोलामा पानीको बहाब उच्च रहेको थियो। पानीमा डुबेकी रागनीको हेर्दा स्थानीयले प्रहरीलाई खबर गरेका थिए ।

प्रहरीले बालिकाको शव करीब २ घन्टापछि निकालिएको छ । शव परिवाजनलाई जिम्मा लगाएको ईलाका प्रहरीले कार्यालय मिर्चैयाले जानकारी दिएकाे छ ।