बिहीबार, ५ भदौ २०७६
DainikNepal.com
बिहीबार, ५ भदौ २०७६

महालक्ष्मी विकास बैंककाे नयाँ शाखा कार्यालय कावासाेतीमा

दैनिक नेपाल २०७६ जेठ ३० गते १६:५९

नवलपुर, ३० जेठ । महालक्ष्मी विकास बैंक लि. ले आफ्नो सेवा देशभर विस्तार गर्दै लाने क्रममा नवलपुर जिल्ला, कावासोती नगरपालिका वडा नं ८, स्थित कावासोती शाखा कार्यालयको जेठ ३० गते औपचारिक समुद्घाटन कार्यक्रम सम्पन्न गरेको छ ।

उक्त शाखाको समुद्घाटन प्रमुख अतिथि कावासोती नगरपालिकाका नगर प्रमुख श्री चन्द्रकुमारी पुन ज्यूले दीप प्रज्वलनका साथ गर्नु भएको थियो ।

कार्यक्रमकै क्रममा बैँकका नायब प्रमुख कार्यकारी अधिकृत श्री दिपेश लम्साल ज्यूले देशको अर्थतन्त्रलाई सुदृढ बनाउन बैंक अपरिहार्य भएको बताउनु भएको थियो ।

महालक्ष्मी विकास बैंक लि.ले ग्राहक हितलाई मध्यनजर गर्दै वचत परिचालन योजना कार्यन्वयन अन्तर्गत उत्पादनमूलक क्षेत्रमा लगानी गर्दै आइरहेको जानकारी दिनु भएको थियो ।

यसका अतिरिक्त बैंकले शाखा खोलिएका क्षेत्रमा सामाजिक हितका कार्यहरु पनि निरन्तर रुपमा गर्दै आइरहेको र आगामी दिनमा अझ प्रभावकारी कार्यहरु गर्ने प्रतिबद्धता जनाउनु भएको थियो ।

विशेषतः वहाँले सो क्षेत्रमा महिला साक्षरता अन्तर्गतका कार्यक्रमहरुमा बैंकले पर्याप्त सहयोग गर्ने जनाउनु भएको थियो ।

देशका शहरी तथा ग्रामीण क्षेत्रमा विभिन्न स्थानहरुमा ९६ वटा शाखा तथा ३५ वटा एटिएमहरुमार्फत सेवा प्रदान गरिरहेको महालक्ष्मी विकास बैंक लि. को ग्राहक संख्या ४ लाख ५० हजार भन्दा बढी रहेको छ ।

प्रतिक्रिया
सम्बन्धित