-महेश सिंह महतो
सिरहा, २२ जेठ । सिरहाको सखुवानन्कारकट्टी ४ मा सडक मर्मत सभार उपभोक्ता समितिका सचिव शैलेन्द्र यादवले आफ्नै छिमेकीको घर जर्बजस्ती भत्काए दिएका छन् ।
सडकलाई १८ फिट चौडाई गर्ने बहानामा सचिव यादवले जगन्नाथ झाको निर्माण हुन लागेको घरको जग र पिलर डोजर चलाएर भत्काइदिएका छन् ।
उपभोक्ता समितिका अध्यक्ष आशाराम यादवका अनुसार स्थानीय र उपभोक्ता समिति मिलेर कसैको घर नभत्काउने निर्णय भएको थियो । तर, समितिका सचिव निर्णय विपरित उनको घरको जग र पिलर भत्काएको हो ।
अध्यक्ष यादवले यस विषयमा आन्तरिक छलफल गरेर समस्या समाधान गर्ने बताए । जगन्नाथ घरमा नभएको बेला सचिव यादवले उनको घर परिवारलाई गालीगलौज गर्दै घर भत्काएको पीडितको आरोप छ ।
सचिव यादवको जग्गा झाको ठीक अगाडिपट्टि रहेको र तीन महिना पहिले सचिव यादवको ट्रायक्टरले झाको घरको एउटा पिलर भत्काएको थियो ।
त्यो पिलर बनाउन सचिव यादवलाई पटक पटक ताकेता गर्दा यादवले अटेर गरेका थिए । सोही निहुँ खोज्दै सचिव यादवले उनको घर भत्काएको पीडित झाको दावी छ ।
घटना जेठ १६ गते भएपनि पीडित झाले आफू न्यायका लागि ईलाका प्रहरी कार्यालयमा उजुरी निवेदन दिन जाँदा हालसम्म दर्ता नगरिएको पीडित झाले बताए ।
व्यक्तिगत रिसिवीको कारण आफ्नो घर भत्काएको पीडित झाको दावी छ ।
प्रतिक्रिया