काठमाडौं, १७ वैशाख । वन तथा वातावरणमन्त्री शक्तिबहादुर बस्नेत कतार प्रस्थान गरेका छन् ।
‘एसिया को–अपरेशन डाइलग’ मा सहभागी हुने सिलसिलामा मन्त्री बस्नेत तीन सदस्यीय टोलीको नेतृत्व गर्दै मंगलबार अपराह्न त्यसतर्फ प्रस्थान गरेका हुन् ।
टोलीमा परराष्ट्र मन्त्रालयका सह–सचिव यज्ञ हमाल र मन्त्री बस्नेतका निजी सचिव उपसचिव गणेशविक्रम शाही छन् ।
एसिया को–अपरेशन डाइलग एसियाली मुलुकहरूको विभिन्न विषयमा छलफल गर्ने फोरम हो ।
कार्यक्रमको बुधबार कतारका राजा अमिर शेख तमिम बीन हमाद अल थानीले दोहामा उदघाटन गर्ने कार्यक्रम छ ।
फोरमलाई मन्त्री बस्नेतले सम्बोधन गर्ने कार्यक्रम छ । सम्बोधनका क्रममा मन्त्री बस्नेतले वातावरणीय परिवर्तनका कारण एसियाली मुलुकहरूले भोगिरहेका साझा समस्या र तिनको समाधानबारे नेपालको धारणा राख्नेछन् ।
क्रममा विभिन्न मुलुकका सहभागी प्रतिनिधिसँग सामूहिक ताथ एक्लाएक्लै भेटसमेत हुनेछ ।
मन्त्री बस्नेत आगामी १९ वैशाखमा स्वदेश फर्कने कार्यक्रम छ ।
प्रतिक्रिया