काठमाडौँ, २८ बैशाख । भारतीय प्रधानमन्त्री नरेन्द्र मोदीको पार्टीका सांसदले जनकपुरलाई भारतमा गाभ्न गरेको प्रस्ताव सामाजिक सञ्जालमा भाइरल भएको छ ।
मोदीको पार्टी भारतीय जनता दलका नेता एवं सांसद कीर्ति आजादले शुक्रबार मोदीलाई जनकपुरमा स्वागत गर्दै जनकपुरलाई भारतमा गाभ्न प्रस्ताव गरेका हुन् । ट्वीट गर्दै जनकपुरलाई भारतमा गाभेर मिथिला राज्य बनाउन प्रस्ताव गरेपछि यतिबेला ट्वीटरमा अनेक टिप्पणीहरु आइरहेको छ ।
यसैक्रममा राष्ट्रिय प्रजातन्त्र पार्टीका अध्यक्ष एवं पूर्वप्रधानमन्त्री कमल थापाले आजादको ट्वीटको कडा विरोध गरेका छन् ।
‘आजादले नेपालको सार्वभौमिकता र अखण्डतामा आँच आउने पुग्ने गरी व्यक्त गरेको विचारको कडा विरोध गर्दछु । थापाले भनेका छन् ।’
प्रतिक्रिया