चट्याङ लागेर एकको मृत्यु, एक घाइते

भक्तपुर, १२ चैत । सोमबार दिउँसो परेको पानी र चट्याङ्का कारण यहाँ एक जनाको मृत्यु भएको छ ।

हरिगढी नगरपालिका–५ सिन्धुली घर भई चाँगुनारायण नपा– ८ चुँडालस्थित चम्प इँटाभट्टामा चट्याङ पर्दा सो भट्टामा काम गर्ने १९ वर्षीय सुरेन्द्र बल तामाङको मृत्यु भएको महानगरीय प्रहरी परिसर भक्तपुरका प्रहरी उपरीक्षक किरण राणाले जानकारी दिनुभयो ।

चट्याङ लागेर घाइते भएका मकवानपुर फापरबारी गाउँपालिकाका १७ वर्षीया सञ्जली योञ्जनको भक्तपुर अस्पतालमा उपचार भइरहेको पनि उहाँले जानकारी दिनुभयो । –रासस