मिनीट्रकको ठक्करबाट एकको मृत्यु

नुवाकोट, १ माघ । मिनीट्रकको ठक्करबाट बेलकोटगढी नगरपालिका–१० का यमबहादुर पाण्डेको सोमबार मृत्यु भएको छ ।

घर नजिकै सडक छेउमा हिडिरहेका ६० वर्षीय पाण्डेलाई बा ४ ख ८०३० नम्बरको मिनीट्रकले ठक्कर दिँदा गम्भीर घाइते भएका उनको उपचारका क्रममा जिल्ला अस्पताल त्रिशूलीमा मृत्यु भएको जिल्ला प्रहरी कार्यालयका प्रहरी निरीक्षक लालबाबु शाहले जानकारी दिए । –रासस