एनआईसी एसिया बैंकद्वारा बालबालिकालाई शैक्षिक तथा खाद्य समाग्री वितरण

काठमाडौं, ९ असोज । एनआईसी एशिया बैंक लिमिटेडले अनाथ बाल बालिकालाई शैक्षिक सामाग्री एवं खाद्य सामाग्री वितरण गरेको छ ।

बैंकले आफ्नो सेवाको १९ बर्ष पार गरी २० औं वर्षमा प्रवेश गरेको उपलक्ष्यमा आफ्नो सामाजिक उत्तरदायित्व अन्तर्गत ललितपुर जिल्लाको भैसेपाटीस्थित अनाथ बालबाटिका संघ (The Orphans Homes) मा आश्रीत विभिन्न दुर्गम जिल्लाहरुबाट आश्रय लिएका बालबालिकाहरुको लागि आवश्यक शैक्षिक सामाग्री एवं खाद्य समाग्री वितरण गरेको हो ।

साथै, सोहि अवसर पारेर बैंकले देशमा विद्यमान चरम रक्त अभावलाई केही हद सम्म भएपनि सहयोग हुने अपेक्षा लिई थापाथली स्थित आफ्नो रजिष्टर्ड कार्यालय भएको भवनमा रक्तदान कार्यक्रमको आयोजना गरेको थियो । जसमा करीब १५० जना रक्तदाताले रक्तदान गरि सहयोग गर्नुभयो ।

बैंकले हालै देश भरि फैलिएको आफ्नो शाखा संजाल मार्फत देशको विभिन्न स्थानहरुमा करिब ८००० विरुवाहरुको वृक्षारोपण कार्यक्रम पनि सम्पन्न गरेको थियो । यस्तो वृक्षारोपणबाट वातावरणीय सन्तुलन र हरियाली कायम गर्न थप योगदान पुग्ने विश्वास पनि बैंकले लिएको छ ।