– कृष्ण ओझा
पाँचथर, १५ फागुन । नेपाल मगर संघ पाँचथरले ३५ औं स्थापना दिवसको अवसरमा आइतबार बृद्धबृद्धा र बिरामीहरुलाई फलफूल वितरण गरेको छ ।
दिवसको अवसरमा संघले फिदिम–२, साम्दीन स्थित सिद्धपोखरी बृद्धाश्रमका बृद्धबृद्धा लाई फलफूल बितण गरिएको छ ।
त्यस्तै जिल्ला अस्पताल पाँचथरका बिरामीहरु १५ जना साथै सदरमुकामस्थित पाथीभरा प्रालि, अस्पतालका ५ जना बिरामीलाई फलफूल वितरण गरेको हो ।
मगर संघले सामाजिक सेवामा रचनात्मक कार्य गर्दै आएको र गर्दै जाने मगर संघ नगर कमीटि सचिव तथा यूवा समाजसेवी प्रेम केप्छाकीले बताएका छन ।
सो अवसरमा मौलिक भेषभूषा सहित फिदिम बजार परिक्रमा समेत गरिएको नेपाल मगर संघ पाँचथरका सचिव यौवन थापा मगरले बताए ।
प्रतिक्रिया