काठमाडौं, १७ माघ । नेकपा एमालेले ७ वटै प्रदेशमा प्रादेशिक सम्पर्क कमिटी गठन गरेको छ ।
नयाँ संविधानअनुसार ७ प्रदेशको प्रादेशिक संरचनामा सबै पार्टी कमिटीहरुलाई पुनर्गठन गर्ने क्रममा १४ वटा अञ्चल सम्पर्क कमिटीहरु विघटन गर्दै प्रादेशिक सम्पर्क कमिटी गठन गरेको केन्द्रीय सम्पर्क विभागका इन्चार्ज छबिलाल विश्वकर्माले जानकारी दिए ।
उनका अनुसार उपत्यकाका तीन जिल्लाबाहेक ७२ जिल्ला सम्पर्क मञ्च समेटेर ७ वटा प्रादेशिक सम्पर्क कमिटी गठन गरिएको हो ।
एमाले केन्द्रीय कार्यालयमा बसेको विभागको बैठकले प्रदेश नम्बर ४ बाहेक अन्य ६ ओटा प्रदेशक सम्पर्क कमिटीलाई पूर्णता दिएको हो । प्रदेश नम्बर ४ को हकमा केही दिनमा संयोजक र सहसंयोजक चयन हुने एमालेले जनाएको छ ।
प्रदेश नम्बर १
इन्द्र भण्डारी– संयोजक
नन्दकुमार राई– सहसंयोजक
प्रदेश नम्बर २
बिल्टु यादव– संयोजक
दिवाकर राज भट्टराई– सहसंयोजक
प्रदेश नम्बर ३
श्यामकुमार बस्नेत– संयोजक
अशोककुमार ठकुरी– सहसंयोजक
प्रदेश नम्बर ४
पछि चयन गरिने
प्रदेश नम्बर ५
थानेश्वर बस्याल– संयोजक
भोजविक्रम बुढामगर– सहसंयोजक
प्रदेश नम्बर ६
तुलाराज सिम्खडा– संयोजक
प्रदेश नम्बर ७
शिव ठकुल्ला– संयोजक
प्रेमराज भट्ट– सहसंयोजक
प्रतिक्रिया