काठमाडौँ, १६ माघ । भूमिसुधार तथा व्यवस्थामन्त्री बिक्रमबहादुर पाण्डेका पिता चन्द्रराज पाण्डेको ९७ वर्षको उमेरमा आज बिहान निधन भएको छ ।
उच्च रक्तचाप र मधुमेहरोगबाट पीडित पाण्डेको बूढानीलकण्ठस्थित आफ्नै निवासमा बिहान करिब ५ बजे निधन भएको उहाँको परिवारले जनाएको छ ।
कालिका कन्स्ट्रक्सन प्रालिका संस्थापकसमेत रहनुभएका पाण्डे समाजसेवाका क्षेत्रमा पनि सक्रिय हुुनुहुन्थ्यो । स्व. पाण्डेको चार छोरा हुनुहुन्छ ।
स्व. पाण्डेप्रति श्रद्धाञ्जलि दिन नेपाली काँग्रेसका सभापति शेरबहादुर देउवा, राप्रपाका राष्ट्रिय अध्यक्ष डा प्रकाशचन्द्र लोहनी, केन्द्रीय अध्यक्ष कमल थापालगायत बूढानीलकण्ठ पुग्नुभएको थियो ।
उहाँको आजै पशुपति आर्यघाटमा अन्त्येष्टि गरिने राप्रपाका नेता जनक पाठकले जानकारी दिनुभयो । रासस
प्रतिक्रिया