वीरगन्ज, १२ मंसिर । नेपाली कांग्रेसका सभापति शेरबहादुर देउवाले आज संसदमा दर्ता हुने संविधान संशोधन प्रस्तावलाई मधेसी मोर्चाले पनि समर्थन गर्ने बताउनुभएको छ ।
उहाँले नेकपा(एमाले)का अध्यक्ष केपी ओलीसँग पनि संविधान संशोधनबारे सकारात्मक कुरा भएकाले विना कुनै अवरोध आज संसदमा संविधान संशोधन दर्ता हुने विश्वास व्यक्त गर्नुभयो ।
नेपाल प्रेस युनियन, पर्सा शाखाद्वारा आज वीरगन्जमा आयोजित पत्रकार सम्मेलनलाई सम्बोधन गर्दैै सभापति देउवाले नेकपा (एमाले)ले पनि संविधान संशोधन प्रस्तावको पक्षमा मत हाल्ने विश्वास व्यक्त गर्नुभयो ।
एक प्रश्नको जवाफमा अध्यक्ष देउवाले २ नं. प्रदेशलाई आफूहरुले बढी प्राथमिकतामा राखेको बताउनुभयो ।
उहाँले नेकपा(एमाले)का अध्यक्ष केपी ओलीसँग पनि संविधान संशोधनबारे सकारात्मक कुरा भएकाले विना कुनै अवरोध आज संसदमा संविधान संशोधन दर्ता हुने विश्वास व्यक्त गर्नुभयो ।
उहाँले नेपाली जनताले प्रदेशको हकमा कहीँ तराई कहीँ पहाड चाहिन्छ भन्ने माग गरेकाले त्यो सबै हुनुपर्ने नेपाली कांग्रेसको धारणा रहेको बताउनुभयो ।
पूर्व प्रधानमन्त्रीसमेत रहनुभएका सभापति देउवाले नागरिकताको सवालमा पनि नेपाली काँग्रेस सकारात्मक रहेको बताउनुभयो ।
योग गुरु रामदेवले आयोजना गरेको वृहत योग प्रशिक्षण कार्यक्रममा भाग लिन देउवा पर्साको वीरगञ्ज आउनुभएको थियो ।













प्रतिक्रिया