काठमाडौँ, १० मङ्सिर । राष्ट्रपति विद्यादेवी भण्डारी र चीनका राजदूत यु होङबीच शिष्टाचार भेट भएको छ ।
शुक्रबार राष्ट्रपति भवन शितलनिवासमा भएको भेटमा नेपाल र चीनबीच रहँदै आएको द्विपक्षीय सम्बन्धलाई अझ सुमधुर र प्रगाढ बनाउने विषयमा छलफल भएको राष्ट्रपति कार्यालयका प्रवक्ता कुलप्रसाद चुडालले जानकारी दिए ।
पुष्पकमल दाहाल प्रचण्ड नेतृत्वको सरकार गठन भएसँगै नेपालमा भारतीय हस्तक्षेप र गतिविधि बढेपछि चिनियाँ राजदूत त्यसलाई सन्तुलनमा ल्याउन सक्रिय छिन् ।
त्यसैक्रममा राष्ट्रपति भण्डारीलाई भेटेर सम्बन्ध प्रगाढ बनाउने विषयमा बेइजिङको सन्देश सुनाएकी हुन् ।
भेटमा राष्ट्रपतिको कार्यालय एवम् परराष्ट्र मन्त्रालयका उच्चपदस्थ पदाधिकारी समेतको उपस्थिति थियो ।












प्रतिक्रिया