महतले धोका दिएपछि महावीर पुनको घोषणा- अब जग्गा दान गर्छु

काठमाडौं, १६ साउन । सूचना प्रविधिको क्षेत्रमा उल्लेखनीय काम गरेर रोमन म्यागासेसे जस्तो प्रतिष्ठित पुरस्कारबाट सम्मानित महावीर पुनले राष्ट्रिय आविष्कार केन्द्र निर्माणका लागि जग्गा दान गर्ने घोषणा गरेका छन् ।

पूर्व अर्थमन्त्री रामशरण महतदेखि अहिलेका अर्थमन्त्री विष्णु पौडेलसम्मले राष्ट्रिय आविष्कार केन्द्र निर्माणका बजेट छुट्याउन आग्रह गर्दा हुन्छ मात्रै भनेर ढाँटेकोमा आक्रोश पोख्दै आएका पुनले सरकारबाट कुनै सहयोग नपाएपछि आफ्नै जग्गालाई दान गरेका हुन् ।

‘यो घोषणा नयाँ होइन । यो घोषणा अर्थमन्त्री डा. रामशरण महतज्यू र बिष्णु पौडेलज्यूसहित उहाँहरुको अर्थ सचिबहरु, सह सचिबहरु अनी दुई प्रधानमन्त्रीहरु र उहाँहरुका सल्लाहकारहरुलाई बिगतका दिनहरुमा बारम्बार भनिसकेको कुरा हो । मैले उहाँहरु सबैलाई यदि ‘सरकारले राष्ट्रिय अविष्कार केन्द्रलाई सहयोग गर्न मिल्दैन अथवा सहयोग गर्न सक्दैन भने मेरो नाममा भएको करिब रु. ३ करोड पर्ने २८ रोपनी जग्गा बेचेरै भए पनि सुरु गर्छु’ भनेर भनेकै हो । यसो भन्दा उहाँहरुले ‘जग्गा बेच्नु पर्दैन बरु त्यहाँ पनि सानो अनुसन्धान केन्द्र बनाउन सकिन्छ’ भनेको हो,’ आक्रोश पोख्दै उनले लेखेका छन् ।

राष्ट्रिय आविष्कार केन्द्र स्थापना गर्ने उद्देश्यका साथ जनताबाटै रु ५० करोड सहयोग जुटाउने अभियानमा रहेका पुनले सहयोग गर्न सबै नेपालीलाई आह्वान गरेका छन् ।

मेरो नाममा भएको जग्गा राष्ट्रिय आविष्कार केन्द्र लाई दान गर्ने घोषणा:

यो घोषणा नयाँ होइन. यो घोषणा अर्थमन्त्री डा. रामशरण महतज्यू र बिष्णु पौडेलज्यू सहित उहाँहरुको अर्थ सचिबहरु, सह सचिब हरु अनी दुई प्रधान मन्त्रीहरु र उहाँहरुका सल्लाहकार हरुलाई बिगतका दिनहरुमा बारम्बार भनि सकेको कुरा हो. मैले उहाँहरु सबै लाई यदि “सरकारले राष्ट्रिय अविष्कार केन्द्र लाइ सहयोग गर्न मिल्दैन अथवा सहयोग गर्न सक्दैन भने मेरो नाममा भएको करिब रु. ३ करोड पर्ने २८ रोपनी जग्गा बेचेरै भए पनि सुरु गर्छु” भनेर भने कै हो. यसो भन्दा उहाँहरुले “जग्गा बेच्नु पर्दैन बरु त्यहाँ पनि सानो अनुसन्धान केन्द्र बनाउन सकिन्छ” भनेको हो.