प्रधानमन्त्री ओलीले काँग्रेस र माओवादीका नेता कार्यकर्तालाई एमालेमा भित्र्याए

प्रधानमन्त्री ओली मंगलबार आयोजित मदन भण्डारी स्मृति भवनको नाममा निर्मित नेकपा (एमाले) को ललितपुर जिल्ला पार्टी कार्यालय भवन उदघाटन समारोहमा नेकपा (एमाले)मा प्रवेश गरेकालाई स्वागत गर्नुहुँदै ।

काठमाडौँ, १४ असार । प्रधानमन्त्री एवं नेकपा एमालेका अध्यक्ष केपी शर्मा ओलीले विभिन्न दलका नेता र कार्यकर्तालाई आफ्नो पार्टीमा भित्र्याएका छन् ।

मदन भण्डारी स्मृति भवनको नाममा निर्मित एमालेको ललितपुर जिल्ला पार्टी कार्यालय भवन उद्घाटन समारोहमा ओलीले नेपाली काँग्रेस र विभिन्न माओवादी पार्टी छोडेर नेकपा (एमाले)मा प्रवेश गरेका ५० जनालाई स्वागत गरेको एमाले नेता रघुजी पन्तले जानकारी दिए ।

यसरी एमालेमा प्रवेश गर्नेमा कांग्रेस र माओवादीका थुप्रै जिल्ला नेता समेत रहेका छन् । उनीहरुले प्रधानमन्त्री ओलीको भिजन र विकासप्रेमी भावनाले आफूहरु एमालेमा प्रवेश गरेको बताएका थिए ।

कार्यक्रममा भवन निर्माणमा सहयोग पुर्याउने महानुभावलाई सम्मान समेत गरिएको थियो ।

तस्बिरः रत्न श्रेष्ठ, रासस ।