काठमाडौं, १० असार । युरोपीय संघ (ईयु)बाट बेलायत अलग हुने फैसलासँगै भारतलाई बढी असर परेको छ ।
बीबीसी हिन्दीका अनुसार ईयु छाड्ने बेलायती जनताको निर्णयले भारतमा चिन्ता बढेको छ । खासगरी रोजगारका लागि युरोप जाने भारतीय यसको प्रत्यक्ष मारमा परेका छन् ।
भारतका विभिन्न राज्यबाट मानिसहरु रोजगारीका लागि युरोप र विशेषगरी बेलायत जाँदै आएका थिए ।
बेलायतले ईयु छाड्दा धेरै भारतीयहरुले जागिर छाड्नुपर्ने बाध्यता आइलागेको छ । अब युरोपीय संघबाट रोजगारका लागि बेलायत जानेहरुले त्यो अधिकार गुमाएका छन् ।
यद्यपी ठोस कानून बन्न बाँकी छ । जनमत संग्रहपछि आज ईयु छाड्ने फैसला मात्रै भएको हो ।
यो फैसलापछि प्रधानमन्त्री डेभिड क्यामरुनले आउँदो अक्टोबर महिनामा राजीनामा दिने घोषणा गरिसकेका छन् ।
व्यापारमा पनि सीधा असर
यसैगरी भारतीय व्यापारमा पनि यसको सीधा असर पर्ने भएको छ । भारतको ब्रिटेन र युरोपियन युनियन दुवैंसंग कारोबारको सम्बन्ध छ । अब त्यो सम्बन्धमा असर पर्नेछ ।
भारतका वित्त सचिव अशोक लवासाले यस निर्णयपछि सरकार र रिजर्व बैंक अफ इन्डिया उपाय खोज्न लागिसकेको बताएका छन् ।
प्रतिक्रिया